هُوّي الميلادْ

كابي دعبول

وِحْيَاةْ عَينَكْ تِمْرُقْ بْهَالعيد

لا تْجيبْ لا أَلعابْ لا غْنَاني

تِعْبوا مَعي لِولادْ وِ مْواعيد

صارِتْ مِنِ الكِذْبَاتْ هِرْباني

عَمْ يِسْألوا مَع كِل يَوم جِديدْ

البابا مَريضْ، يَمّا بْبَلَدْ تاني

نِحْنا افْتَرَقْنا بَس شو بِالإيدْ

وْلادَكْ يا بو لِولادْ جيعَاني...

هُوّي الميلادْ بْيِحْمُل التِجديد

وِقْلوب بِالخَيرات شِعلاني

حَتّى الغَريب بْيِحْضَر مْنِ بْعيد

حامِل مَعو لِكْياسْ مِلْياني...

هُوّي ميلاد الحُبّ بالتِحْديد

نَظْرِةْ عَطِفْ مِنْ فِعِلْ رَبّاني

تْجَسَّد إله الكَون وِ التِجْسيد

خَلاّ الإله بْتَوبْ إنساني

وْهُوّي المَحَبِّة بْهالدِني بيريد

تِحْمُلْ معا خَيرات حِرْزانيl